Национальная библиотека приглашает в путешествие по городам Беларуси

Тэматычная выстава «Старажытныя гарады Беларусі», якая разгарнулася ў Нацыянальнай бібліятэцы Беларусі, прысвечана году гістарычнай памяці. Як паведамілі яе арганізатары, у кожнага нашага горада — свой лёс, свае здабыткі і страты. Адны славяцца старажытным мінулым, выключнай роляй у канкрэтных гістарычных падзеях, іншыя — архітэктурнымі помнікамі і сучаснымі будынкамі, трэція — дасягненнямі ў эканамічным развіцці краіны, маладосцю.

На выставе — больш за 150 экспанатаў. Сярод іх факсіміле знакамітай Радзівілаўскай карты Вялікага Княства Літоўскага (1648). Асаблівую каштоўнасць экспазіцыі дадаюць выданні даследчыкаў гарадоў і помнікаў старажытнай культуры, у тым ліку гісторыка і краязнаўца Аляксея Сапунова, сабраныя ім зборнікі дакументаў па гісторыі Віцебшчыны ХІ—ХІХ стагоддзяў. А арыгінальныя паштоўкі канца ХІХ — пачатку ХХ стагоддзя даюць уяўленне аб агульных відах гарадоў з вышыні птушынага палёту, іх выдатных мясцінах — храмах, плошчах, будынках тэатраў, вакзалаў, жывапісных вуліцах і навакольных мясцовасцях, святочнага і штодзённага жыцця, а таксама культуры мясцовых жыхароў.

Экспазіцыю дапаўня­юць багата ілюстраваныя альбомы і юбілейныя выданні. Убачыць «Старажытныя гарады Беларусі» можна да 15 чэрвеня.

mila@sb.by