Амаль год прайшоў з моманту аднаўлення работы савета па маральнасці, створанага ў 2009‑м і на пэўны час, у сілу розных абставін, прыпыніўшага сваю дзейнасць. Прагрэс нястомна рухаецца наперад, значна мяняюцца жыццёвыя прыярытэты. Нязменнай застаецца задача савета. Гэта захаванне традыцыйных духоўна-маральных каштоўнасцей, якія дазваляюць асобе развівацца і фізічна, і духоўна.
Вынікі работы савета, у складзе якога зараз працуе 60 чалавек, ужо прынеслі плён. Аб гэтым сведчыць шэраг абмеркаваных пытанняў, прапанаваных праектаў і вырашаных задач.
Так, адгукнулася канкрэтнымі прапановамі і дзеяннямі ўзнятае на савеце пытанне аб брыдкаслоўі. Напрыклад, было прапанавана правесці круглы стол «Тэатр і мова сцэны як элемент духоўна-маральнага выхавання гледача». Беларускі саюз жанчын у 2025 годзе рэалізуе праект «Універсітэт ЗА культуру мовы» на базе Беларускага дзяржаўнага ўніверсітэта культуры і мастацтваў. Плануюць далучыцца і тэрытарыяльныя падраздзяленні БСЖ.
У полі зроку Грамадскага савета па маральнасці — квадроберы, як навейшая з'ява ў моладзевым асяродку. Па выніках абмеркавання гэтай праблемы сакратарыятам будзе распрацаваны дакумент з прапановамі, накіраванымі ў розныя дзяржаўныя ўстановы краіны.
Члены савета таксама актыўна выказваліся на тэмы азартных гульняў, энергетычных напояў, размяшчэння тавараў ля касавых зон у крамах, правіл паводзін вучняў у школе.
Грамадскі савет па маральнасці аб'явіў адкрыты літаратурны конкурс імя асветніка Кірылы Тураўскага і зацвердзіў палажэнне аб ганаровай грамаце за заслугі па захаванні і ўмацаванні духоўна-маральных каштоўнасцей беларускага народа.
rovdo@sb.by
