Парадам парусных судоў па рэчцы Мухавец завяршылася дзевяцідзённая водная вандроўка з Пінска ў Брэст, прысвечаная 73-й гадавіне Перамогі ў Вялікай Айчыннай вайне, памяці маракоў Чырванасцяжнай ордэна Ушакова I ступені Дняпроўскай ваеннай флатыліі і памяці партызан Палесся, якія на працягу сарака сутак трымалі абарону на подступах да Дняпроўскага канала.
![](/upload/iblock/22e/22e6756f5cdaf0871844916fee1ec5a8.jpg)
Брэсцкае абласное грамадскае аб’яднанне “Турызм, экалогія, інвестыцыі” выступіла арганізатарам паходу. А яго ўдзельнікамі сталі экіпажы парусных яхт і катамаранаў з Мінска, Брэста, Гродна і Пінска. Старт супаў са святкаваннем у краіне 1 Мая. На борце маламерных судоў акрамя членаў экіпажаў знаходзіліся выхаванцы мясцовага клуба юных маракоў “Палескія гардэмарыны”. У месцы зліцця Піны і Прыпяці, там, дзе ў ліпені 1944 года пад варожым агнём з бранякатэраў Дняпроўскай ваеннай флатыліі высаджваўся на бераг армейскі дэсант, у памяць аб подзвігу герояў-вызваліцеляў на ваду дарослыя і дзеці спусцілі вянок. А ў вёсцы Зарэчка Драгічынскага раёна вянок усклалі да памятнага знака ў гонар партызан Брэсцкага і Пінскага злучэнняў.
![](/upload/iblock/e26/e26761c9907c3c4610d2497485d0711c.jpg)
Дзевяць дзён шляху, восем начлегаў на хвалях Піны, Мухаўца і Дняпроўска-Бугскага канала, праходжанне шлюзаў, знаёмства з флорай і фаўнай Палесся, наведванне знакавых гістарычных месцаў — усё ўжо ў гісторыі і памяці ўдзельнікаў. Наперадзе новыя вандроўкі і аповеды сябрам і знаёмым аб тым, як цёпла сустракаюць і праводзяць на Палессі гасцей...
![](/upload/iblock/643/64326808ba3eacbbef83a54fbf5a8929.jpg)
![](/upload/iblock/243/24333f701baf8db4a522888c06b9801d.jpg)
![](/upload/iblock/bc7/bc769c96051320fe574ad8d817245f17.jpg)
![](/upload/iblock/087/08793377201650a214020900f9b91758.jpg)
![](/upload/iblock/17c/17cb1a9ad26b838408937247cc769041.jpg)
kunizki-2010@mail.ru