Пра перазапуск культавага савецкага мультфільма «Ну, погоди!» стала вядома восенню мінулага года. «Саюзмультфільм» аб'явіў, што збіраецца зняць серыял, які не будзе прамым працягам класічнай версіі, але стане актуальным прачытаннем гісторыі.
— Я з вялікім задавальненнем пагадзіўся стаць Ваўком у новым «Ну, погоди!», — пракаментаваў Гарык. — Гэты мультфільм — адзін з самых культавых у нашай краіне, і не памылюся, калі скажу, што ён адыграў вялікую ролю ў развіцці расійскай камедыі. Гумар тут пабудаваны на фізічных гэгах, розных недарэчных сітуацыях, у якія трапляюць героі. Гэта вельмі складаны жанр, які мала каму атрымоўваецца ўвасобіць на экране.
Вядома, што, акрамя Ваўка і Зайца, у новым серыяле з'явяцца такія персанажы, як барсук Цім, вожык Шу і казуля Уля. Першую серыю перазапуску анімацыйнай стужкі збіраюцца прадставіць ужо ў снежні 2020 года. Усяго на дадзены момант запланаваны выпуск 52 серый.
mila@sb.by
