![](/upload/iblock/2a2/2a29537da0d565895dc79cf0d0d033d6.jpg)
Прывітанне кіраўніка дзяржавы Аляксандра Лукашэнкі ўдзельнікам выставы на цырымоніі адкрыцця зачытаў намеснік кіраўніка Адміністрацыі Прэзідэнта Уладзімір Жаўняк:
— Паспяховае развіццё прафесійнай журналістыкі з’яўляецца адным з найважнейшых фактараў забеспячэння інфармацыйнага суверэнітэту Беларусі. Захаванне этычных норм, прынцыпаў сумленнасці і дакладнасці падачы навін, наяўнасць дакладнай грамадзянскай пазіцыі — гэта прыкмета салідных і выклікаючых давер друкаваных і электронных выданняў, тэлевізійных праектаў, гатовых супрацьстаяць выклікам сучаснасці.
У праграме выставы — звыш 200 розных мерапрыемстваў. Тут і прэзентацыі творчых праектаў, і сустрэчы з вядомымі аўтарамі, і займальныя квэсты, і
карысныя майстар-класы. У асноўным мерапрыемствы прысвечаны 75-годдзю вызвалення Беларусі ад нямецка-фашысцкіх захопнікаў, II Еўрапейскім гульням, адраджэнню малой радзімы і сучасным інтэрнэт-тэхналогіям.
Багатая праграма і выдавецкага дома «Беларусь сегодня». Сёння «Сельская газета» падвядзе вынікі конкурсу прыпевак на сельскую тэматыку, «Народная газета» прапануе паспрабаваць сілы ў мабільнай гульні Ecokids, а вядучы праграмы «Стиль жизни с доктором Терещенко» на «Альфа Радио» пракансультуе на тэму здаровага ладу жыцця і даўгалецця. Заўтра гасцей чакаюць дзень здаровага зроку з газетай «Рэспублiка» і знаёмства з блогерам «Сельскай газеты» Юліяй Бачурынскай.
Сёння, упершыню ў гісторыі медыяфоруму, пройдзе Дзень піяру. На канферэнц-сесіі «Аўтастопам па камунікацыях, або Як не заблудзіцца на рынках, аўдыторыях і трэндах» выступяць прадстаўнікі вядомых камунікацыйных кампаній і агенцтваў. Увечары адбудзецца ўрачыстая цырымонія ўзнагароджання пераможцаў XV Нацыянальнага конкурсу друкаваных сродкаў масавай інфармацыі «Залатая літара». Сёлета на конкурс было даслана больш за 330 заявак.
Заўтра апошні дзень працы выставы «СМІ ў Беларусі». Ён будзе прысвечаны дзецям. Пройдуць конкурсы, майстар-класы і нават выступленне цыркавых артыстаў.
МЕРКАВАННЕ
![](/upload/iblock/0cc/0cc64444ccbff30d8633d2bac20e8d5e.jpg)
— Мы бачым, як імкліва развіваюцца новыя тэхналогіі, растуць аб’ёмы інфармацыйных патокаў, нараджаюцца новыя медыяфарматы і ў цэлым мяняецца парадыгма самой журналістыкі. Але фундаментальныя асновы журналістыкі застаюцца нязменнымі: безумоўная адданасць фактам, аб’ектыўнасць, непрадузятасць, прафесіяналізм, прага самарэалізацыі і творчы пошук.
У ТЭМУ
На 1 красавіка 2019 года ў краіне зарэгістравана:
851 часопіс
731 газета174 радыёпраграмы
100 тэлепраграм
9 інфармацыйных агенцтваў
Па інфармацыі БЕЛТА
mila@sb.by