![](/upload/iblock/0d5/0d5c580ec2f6a6344dc21403e6d38927.jpg)
Алесь Суша, намеснік дырэктара Нацыянальнай бібліятэкі, дзеліцца падрабязнасцямі:
— Больш як паўгода супрацоўнікі бібліятэкі вялі перагаворы аб набыцці калекцыі, а гэта звыш 50 кніг. Была праведзена экспертыза кожнай кнігі, правераны іх сапраўднасць і каштоўнасць. Ужо сёння можна казаць, што калекцыя абсалютна ўнікальная. Многія выданні захавалі арыгінальныя выдавецкія пераплёты, якія звычайна страчваюцца ў бібліятэках за доўгія гады актыўнага выкарыстання.
Алесь Суша дадаў, што ўнікальная калекцыя рарытэтаў, у ліку якіх — арыгінал рэдкай фатаграфіі Уладзіслава Сыракомлі ў маладосці, была набыта ў прыватнага калекцыянера дзякуючы падтрымцы Ганаровага консула Беларусі ў Лазане Андрэя Нажэскіна і Часовага паверанага ў справах Беларусі ў Швейцарскай Канфедэрацыі Паўла Мацукевіча.
Караліна ІОСІФАВА.