Гэты праект стаў адной з самых знакавых і доўгачаканых падзей у культурным жыцці краіны. Ён прымеркаваны да 80-годдзя вызвалення Беларусі ад нямецка-фашысцкіх захопні-каў і адлюстроўвае гісторыю рэспублікі ў трагічны перыяд Вялікай Айчыннай вайны праз гісторыю самога тэатра. Адпраўным пунктам стаў 1939 год, калі Вялікі тэатр атрымаў уласны будынак на Траецкай гары ў Мінску. Праз страшныя гады акупацыі творчая група разам з гледачамі пракладае шлях да вызвалення Беларусі ў 1944-м і Вялікай Перамогі ў 1945-м.
Рэжысёрам, аўтарам канцэпцыі і лібрэта «Патэтычнага дзённіка памяці» з’яўляецца Ганна Маторная. Аўтар музычнай рэдакцыі — лаўрэат Дзяржаўнай прэміі Алег Хадоска. Над праектам працавалі ўсе калектывы тэатра, было задзейнічана каля 300 чалавек.
У Вялікім тэатры прэм’ерныя паказы «Патэтычнага дзённіка памяці» адбыліся 22 і 27 верасня. А 1 мая 2025 года яго можна будзе ўбачыць на тэрыторыі мемарыяльнага комплексу «Брэсцкая крэпасць-герой».
pepel@sb.by
