Прыкладна 20 сакавіка плануецца выхад другога танкера.— Аб’ём паставак ад Socar на сакавік павялічыўся, будзе трэці танкер. Агульны аб’ём складзе каля 250 000 тон нафты. Гэта не крайнія танкеры, якія плануюцца для нашых заводаў. З тэрыторыі Украіны сыравіна будзе дастаўляцца па нафтаправодзе Адэса — Броды. Гэты нафтаправод гатовы да працы з такой нафтай.
Прыкладна 20 сакавіка плануецца выхад другога танкера з азербайджанскай нафтай, але ўжо з грузінскага порта Супса. Дарэчы, з дзяржаўнай нафтавай кампаніяй Азербайджана Socar наша краіна мае вялікую гісторыю працы на нафтавым рынку. Рэспубліка купляла ў гэтай кампаніі нафту ў 2011 і 2016 гадах, азербайджанскі бок купляе беларускія нафтапрадукты. Нагадаем, на мінулым тыдні ва Урадзе прайшлі прадметныя перагаворы з Socar і дасягнута дамоўленасць аб нарошчванні аб’ёмаў паставак нафты ў краіну. Сёлета, як чакаецца, яны дасягнуць 1 млн тон. Усё будзе вызначацца кожны месяц зыходзячы з эканамічных, лагістычных складальнікаў і г.д. І што важна, дасягнута дамоўленасць аб супрацоўніцтве на пастаяннай аснове на будучыню.
Адзначым, актыўна ідзе дыверсіфікацыя паставак чорнага золата не толькі па паўднёвым напрамку. На гэтым тыдні ў літоўскі порт Клайпеда прыбыў першы з двух танкераў з расійскай нафтай ад трэйдараў, якая будзе перапрацоўвацца ў ААТ «Нафтан». І стала вядома, што пачалася пастаўка ў краіну па чыгунцы. Як паведамлялася, у студзені ў гэты порт прыйшло судна з 86 000 тон нарвежскай нафты. Сыравіна гатунку Johan Sverdrup таксама была прызначана для перапрацоўкі ў ААТ «Нафтан».
— Што тычыцца паўночнага напрамку паставак, балтыйскіх партоў, то два сакавіцкія танкеры не крайнія, пастаўкі па гэтай лагістычнай схеме плануецца працягнуць. Наступныя танкеры могуць прыйсці, хутчэй за ўсё, у красавіку, — растлумачыў Аляксандр Цішчанка. — Мы выйшлі з зоны камфорту, працуем з альтэрнатыўнымі пастаўшчыкамі, дыверсіфікацыя працягваецца. Нафта, якая павінна была пастаўляцца па трубе, зараз выкінута на рынак трэйдарамі. І сёння з трэйдарамі, як паказвае практыка, працаваць можна, гэта дастаткова гнуткая і аператыўная сістэма. Галоўнае, каб характарыстыкі нафты супадалі з тэхнічнымі параметрамі беларускіх нафтаперапрацоўчых заводаў.
Акрамя гэтага, у сакавіку нафту без прэміі будуць пастаўляць шэсць расійскіх кампаній, сярод якіх «Сафмар» і пяць новых для краіны пастаўшчыкоў. У канцэрне «Белнафтахім» падкрэсліваюць: заяўлены раней аб’ём паставак нафты ў сакавіку на НПЗ у раёне 1 млн тон можа атрымацца большым. Усё залежыць ад хуткасці пастаўкі. Да прыкладу, умовы надвор’я ў студзені затрымалі танкер з нарвежскай нафтай, ён павінен быў зайсці ў порт крыху раней. Нагадаем, у студзені і лютым беларускія нафтаперапрацоўчыя заводы працавалі на палове загрузкі і перапрацавалі каля 1,8 мільёна тон нафты.
sichevich@sb.by
