Загадчыца кафедры беларускай і рускай моў Вольга Губская адзначыла:
– Звычайна «Агульнаўніверсітэцкая дыктоўка» праводзіцца ў БДЭУ ў лютым падчас святкавання Міжнароднага дня роднай мовы. Але гэты год знакавы для нашай краіны, багаты на розныя падзеі і знамянальныя даты. Менавіта сёлета адзначаецца 80-годдзе вызвалення Беларусі. Калі б не было Вялікай Перамогі, не было б і свята роднай мовы. Менавіта таму мы аб’ядналі дзве падзеі ў адну. Зразумела, што дыктоўка прысвечана падзеям вайны. Канкрэтна – аперацыі «Баграціён», дзякуючы якой Беларусь была вызвалена ад нямецка-фашысцкіх захопнікаў.
Па традыцыі тэкст дыктоўкі чытае ганаровы госць. Сёння ім стаў Руслан Чарнецкі – заслужаны артыст Рэспублікі Беларусь, акцёр Нацыянальнага акадэмічнага драматычнага тэатра ім. М. Горкага, дэпутат VIII склікання, член Пастаяннай камісіі па адукацыі, культуры і навуцы.
Дэкан ФМБК Юлія Шаўрук адзначыла важнасць і знакавасць гэтага мерапрыемства, асабліва ў гэтым годзе:
– Памяць пра герояў і ахвяр вайны павінна заўсёды заставацца ў нашых сэрцах.
Фото предоставлено пресс-службой БГЭУ.
