4 сакавіка а 15-й гадзіне ў Нацыянальным мастацкім музеі адбудзецца майстар-клас “Парфумерыя – каханне зямное і не!..” у рамках выставы “Плады Зямлі”. Майстар-клас правядзе Улад Рэкуноў – парфумер і аўтар персанальных водараў для многіх знакамітасцей і брэндаў. Супрацоўнікі запрашаюць усіх жадаючых на майстар-клас, падчас якога адкрыюцца сакрэты парфумерыі, яе стварэння, вытворчасці і выкарыстання. Вы даведаецеся аб правілах выбару водару, яго нанясення, навучыцеся адчуваць парфумерную палітру і пазбягаць традыцыйных парфумерных памылак. Разбераце паняцці парфумерных падробак, рэплік і версій, а яшчэ зможаце павысіць узровень ведаў у адаралогіі – навуцы аб пахах.
Фото из архива «СБ»
Наведаць мерапрыемства можна па спецыяльным білеце. Яго кошт – 50 рублёў для ўсіх катэгорый наведвальнікаў, уключаючы ўладальнікаў карты госця. Кожны наведвальнік атрымае ў падарунак пробнік з арыгінальным водарам. Майстар-клас пройдзе ў выставачным корпусе музея (К. Маркса, 24; 4-ы паверх).
Продаж білетаў пачаўся з 20 лютага, і іх колькасць абмежавана (набыць можна ў касе на Леніна, 20).
