Без аўтакрэсла – ні з месца: чаму некаторыя вадзіцелі ставяць пад небяспеку жыццё сваіх малышоў?
10.07.2018 23:41:31
Оксана НЕВМЕРЖИЦКАЯ
За мінулыя паўгода на дарогах краіны загінулі 12 дзяцей, 9 з іх былі пасажырамі. На жаль, летам колькасць дарожна-транспартных здарэнняў з удзелам непаўналетніх узрастае. Супрацьстаяць гэтаму заклікана акцыя «Дзіця — галоўны пасажыр», якая ўчора стартавала ў краіне. Карэспандэнт «Р» разам з экіпажам ДПС АДАІ Мінскага РУУС правярала, наколькі адказныя ў нас бацькі-вадзіцелі. Няма яшчэ і васьмі раніцы, а інспектары Альберт Якупаў і Аляксандр Галкоўскі ўжо гатовы заступіць на службу. Месца для кантролю за выкананнем правілаў па перавозцы дзяцей выбіраем на вуліцы Таполевай у Ратамцы, паблізу ад дзіцячых ясляў-сада.
![](/upload/iblock/151/1510a574fa41d1185aa72eee5a93cddc.jpg)
Цікаўлюся:
— Часта перавозяць дзяцей без утрымлівальных прылад?
Аб рэспубліканскай прафілактычнай акцыі ДАІ напярэдадні паведаміла праз СМІ. Ці дапаможа гэта зберагчы здароўе і жыццё маленькіх пасажыраў?
Не паспяваем мы заняць пазіцыю паблізу дзіцячага садка, як бачым блакітны «Фальксваген Пасат», з-за пляча вадзіцеля якога блішчаць вачаняты двух хлопчыкаў. Дзеці не тое што без аўтакрэслаў або бустараў — увогуле не прышпіленыя рамянямі бяспекі! Сядзяць на самым краёчку, каб лепш бачыць дарогу. Рэзкае тармажэнне — і яны паляцяць у лабавое шкло.
Заўважыўшы машыну ДАІ, вадзіцель тут жа паварочвае ў другі бок. Зразумела, ганяцца за ім і падвяргаць дзяцей небяспецы мы не сталі — проста заехалі насустрач з другога боку вуліцы. Адарыўшы нас няветлівым позіркам, жанчына, відаць, бабуля дзяцей, хутка вядзе іх у бок садка.
— Ды я во тут жыву, за два крокі... — мужчына панура брыдзе да патрульнай машыны.
![](/upload/iblock/d57/d5781cc9de402a45e9f29d763231a873.jpg)
Дарэчы, бустары ў яго аўто меліся. Але яны, па-першае, прадугледжаны для больш дарослых дзетак, а па-другое, бескарысныя без рамянёў бяспекі.
«Мы ж усё разумеем, дзіцячыя аўтакрэслы каштуюць дорага. Але хаця б рэмень накінуць можна? Колькі было выпадкаў, калі дзеці літаральна лётаюць па салону, б’юцца аб лабавое шкло! — Аляксандр Галкоўскі не хавае эмоцый.
За парушэнне правілаў перавозкі дзяцей мужчына атрымаў штраф 12 рублёў 25 капеек — палова базавай велічыні. Калі яшчэ раз на працягу года дазволіць сабе падобнае, штраф ужо пачнецца ад дзвюх базавых.
Спыняем магутны чорны джып. Кучаравая дзяўчынка гадоў пяці, зручна ўладкаваўшыся ў аўтакрэсле на заднім сядзенні, з цікавасцю разглядае незнаёмцаў. Малайцы, бацькі, берагуць маленькую прынцэсу!
— А што тут такога? — абураецца ён. — Вунь п’яныя, забойцы ўсялякія ездзяць, а вы тут знайшлі злачынцу! Падумаеш, сына вязу без аўтакрэсла!
— Вы бачылі калі-небудзь ДТЗ, у якім загінулі дзеці? — пытаецца інспектар Альберт Якупаў.
Пра гэта мужчына і слухаць не хоча: упэўнены, што з ім падобнае ні ў якім разе не здарыцца. Пакрыўджаны штрафам у палову базавай, на развітанне моцна ляскае дзверцай патрульнай машыны.
Нам не раз яшчэ давядзецца пачуць абвінавачванні ў адрас ДАІ, маўляў, «вам дай толькі падставу штраф злупіць». А вось пытаннем, чаму стан здароўя і жыццё дзяцей больш цікавяць міліцыянераў, чым бацькоў, не задаецца, на жаль, ніхто...
За рулём чырвонага «Нісана Ноут» жанчына па імені Вольга. Прыемна паглядзець: сваё немаўлятка перавозіць па ўсіх правілах, у спецыяльнай люльцы. Ззаду пасміхаецца нам тата малыша. Толькі і застаецца пажадаць сям’і шчаслівай дарогі.
Класічныя адгаворкі безадказных бацькоў на пытанне, чаму яны небяспечна перавозяць сваіх дзяцей, гучаць так: «А што тут такога?», «Ды мне тут усяго тры метры праехаць...» Дазвольце, але нечаканая аварыйная сітуацыя можа ўзнікнуць у любы момант руху, у тым ліку і пры выездзе з уласнага двара.
Літаральна за гадзіну, якую мы правялі на скрыжаванні вуліц каля дзіцячага садка, інспектары ДПС саставілі 4 пратаколы за парушэнне правілаў перавозкі дзяцей. І толькі ў двух аўтамабілях маленькія пасажыры былі сапраўды галоўнымі. Ці не дае гэта падставу задумацца: чаму мы не беражэм уласных дзетак?