Маневры в небе на предельно низких высотах и посадка с симуляцией отказа двигателя: как в Минском аэроклубе ДОСААФ готовят военных летчиков
18.07.2020 19:36:34
Илья КРАСОВСКИЙ
Адзiн з самых прэстыжных факультэтаў Ваеннай акадэмii —авiяцыйны. З соцень жадаючых туды трапляюць адзiнкi. Адбор курсантаў пiльны, па фiзiчных параметрах i асабiстых якасцях. На факультэце рыхтуюць элiту нашых Узброеных Сiл — верталётчыкаў, пiлотаў ваенных самалётаў. Будучыя ваенныя верталётчыкi напрацоўваюць практыку ў Мiнскiм аэраклубе ДТСААФ. За iх падрыхтоўкай назiраў карэспандэнт «Р».
![](/upload/iblock/bd8/bd897da3bb8acd7b6ac2e9e2635a071e.jpg)
![](/upload/iblock/479/47933666831d3b0faf55770688058aab.jpg)
Цудоўная пяцёрка
Курсанты групы эксплуатацыi армейскай авiяцыi трэнiруюцца ў аэраклубе да верасня. Трэцi курс — 5 верталётчыкаў. Кожны з iх да восенi налятае амаль 70 гадзiн, што даволi важка. А ўсяго па заканчэннi Ваеннай акадэмii верталётчыкам у асабiсты залiк набяжыць да 200 гадзiн налёту.
![](/upload/iblock/fdf/fdfbeb00c7932f1f96f599dddf0b4d3d.jpg)
![](/upload/iblock/040/0402496fc9771e549f7f1f658bce248a.jpg)
![](/upload/iblock/398/398277e5dfd770b29dd4ceff17fe9f26.jpg)
Рабяты 1999—2000 гадоў нараджэння. Не глядзелi фiльм «Мiмiно», дзе галоўны герой лятаў, як i самi яны зараз, на Мi-2. Але робяць у небе рэчы куды больш уражальныя, чым можна ўбачыць у гэтым фiльме.
![](/upload/iblock/e3a/e3a41fc77ec03488c8bfa784bd0445c3.jpg)
![](/upload/iblock/934/934fe94c0229eb8e0df85b6556704091.jpg)
— Калi асвоiў невялiкi Мi-2 — зможаш лятаць нават на самым буйным у свеце транспартным верталёце Мi-26, якi выпускаецца серыйна, — тлумачыць карэспандэнту «Р» камандзiр верталётнага звяна Аляксандр Невядомскi. — Тып пiлатавання гэтых «Давiда i Галiяфа» ў аснове сваёй не адрознiваецца. Мi-2 — асноўны верталёт для навучання курсантаў. Надзейны, манеўраны, з невялiкiм расходам палiва i, самае галоўнае, дае магчымасць выпраўляць свае памылкi. Больш буйныя ж верталёты памылак не даруюць.
![](/upload/iblock/11f/11f84fee929a57dbfabd227e5c194e5b.jpg)
Вучаць курсантаў авiяцыйнага факультэта 4 гады: на першым курсе яны вучацца лятаць на планёры, на другiм ужо асвойваюць верталёт Мi-2, на трэцiм замацоўваюць практыку на Мi-2, а чацвёрты курс лятае ўжо на авіяцыйнай базе. Падрыхтоўка верталётчыкаў уключае палёты строем, ноччу, на гранiчна малых вышынях, пад шторкай — у аблоках, калi закрываецца бачнасць зямлi, пiлатаванне — толькi па прыборах.
![](/upload/iblock/677/67748df1d903ec650a264b525545a628.jpg)
Асновы майстэрства
Iнжынеры аэраклуба рыхтуюць тэхнiку да палётаў. Праверку ўсiх сiстэм верталёта праводзiць i асабiста сам лётчык, скажам, на прадмет цечы масла i палiва. Далей — перадпалётныя ўказаннi. Разведка надвор’я: воблачнасць слаiстая, бачнасць больш за 10 кiламетраў — небяспечных з’яў не назiраецца, сродкi сувязi працуюць стабiльна.
![](/upload/iblock/aef/aef2a34c5d74d6f7cd1a4de22d621ded.jpg)
Загудзелi рухавiкi, раскруцiўся вiнт, па рулёжнай паласе iдзе Мi-2. Падняўся ў паветра, завiс i схаваўся ў вышынi. Сёння курсанты адпрацоўваюць практыкаваннi — высадку разведгрупы i пасадку з iмiтацыяй адмовы рухавiка. У рэжыме самараскручвання апорнага вiнта планiруюць з адлегласцi ў кiламетр у загадзя вызначаную кропку. У такiм рэжыме вiнт раскручваецца не за кошт энергii ад рухавiка, а паветранымi патокамi, што набягаюць. Выглядае такая пасадка па-самалётнаму. Хiба Мiмiно так змог бы.
![](/upload/iblock/4e6/4e61753c9bb41a79d08607053d8c5509.jpg)
![](/upload/iblock/668/6683933ef70991231f3d38b60ac84026.jpg)
ikras@sb.by
Усяго па заканчэннi Ваеннай акадэмii верталётчыкам у асабiсты залiк набяжыць да 200 гадзiн налёту.
Мi-2 — асноўны верталёт для навучання курсантаў.
Калi асвоiў невялiкi Мi-2 — зможаш лятаць нават на самым буйным у свеце транспартным верталёце Мi-26.
Загудзелi рухавiкi, раскруцiўся вiнт, па рулёжнай паласе iдзе Мi-2. Падняўся ў паветра, завiс i схаваўся ў вышынi.
Вучаць курсантаў авiяцыйнага факультэта 4 гады.
Адзiн з самых прэстыжных факультэтаў Ваеннай акадэмii — авiяцыйны